«Inter» bosh murabbiyi Kristian Kivu Italiya chempionatining 3-turida «Napoli» ustidan qozonilgan 3:2 hisobidagi irodali g‘alabadan so‘ng fikr bildirdi.

«Avvalo, 0:2 hisobida ortda qolganimizdan keyingi reaksiyamizni alohida ta’kidlamoqchiman. O‘yin boshida o‘z futbol falsafamizga sodiq qolishni istadik, jasur va sifatli harakat qildik. «Napoli» bizga bosim o‘tkazdi va qarshi hujumdan gol urdi, ustiga-ustak, ikki marta rikoshet ham ularning foydasiga ishladi», — deya Kivuning so‘zlarini Calcio Napoli 24 keltirmoqda.

«Biz parokanda bo‘lib ketmadik, sur’atni oshirdik va qanotlardan faolroq foydalanishga harakat qildik. Maydonda yuqori saviyali futbolchilarimiz bor edi. Hisobni 1:2ga keltirgan gol bizga qo‘shimcha kuch berdi va biz tavakkalga qo‘l urdik. Oxir-oqibat bu o‘zini oqladi.

Hisob 2:2 bo‘lganidan keyin esa Italiyada deyarli hech qachon ko‘rmaydigan holatga guvoh bo‘ldik: odatda jamoalar bunday paytda durangga rozi bo‘ladi. Bu safar esa o‘yin har qanday natija bilan yakunlanishi mumkin edi», — dedi Kivu.

«Inter» 9 ochko bilan turnir jadvalida 1-o‘rinni egallab turibdi.