Londonning «Arsenal» klubi o‘tgan yozda Bruno Gimaraes o‘rniga boshqa yarim himoyachini ham xarid qilishi mumkin edi.
Avgust oyi boshida «kanonirlar» braziliyalik futbolchini «Nyukasl»dan 87,5 million yevroga sotib oldi.
Jurnalist Sami Mokbel ma’lumotiga ko‘ra, poytaxt klubi vakillari «Nyukasl»ning yana bir yarim himoyachisi Sandro Tonali, «Bornmut» futbolchisi Aleks Skott va «Aston Villa»dan Amadu Onana nomzodlarini ham jiddiy ko‘rib chiqqan.
Belgiyalik Onana iyul oyi boshiga qadar «Arsenal» qiziqish doirasida bo‘lgan, ammo keyinchalik xochsimon pay jarohati sabab safdan chiqqan.
Bruno Gimaraes yangi mavsumda Mikel Arteta jamoasi safida ikkita o‘yin o‘tkazdi.
28 yoshli yarim himoyachining Angliya amaldagi chempioni bilan shartnomasi 2030 yilga qadar amal qiladi.
