MLS doirasida "Toronto" va "Chikago Fayr" o‘rtasidagi sermahsul uchrashuv 4:4 hisobidagi durang bilan yakunlandi.

"Chikago" hujumchisi Robert Levandovski mazkur bahsda ham samarali harakat qildi. 38 yoshli polyak bir marta raqib darvozasini ishg‘ol qilib, yana bir golga assistentlik qildi. U 63-daqiqada jamoasining to‘rtinchi golini urdi.

Shu tariqa, Levandovski ketma-ket ikkinchi o‘yinda 1+1 natijasini qayd etdi. U avvalgi turda "Sietl Saunders"ga qarshi 2:2 hisobida yakunlangan bahsda ham bir gol va bir assistga mualliflik qilgandi.

Levandovski joriy MLS mavsumida 8 ta uchrashuvda maydonga tushib, 5 ta gol va 2 ta golli uzatma qayd etgan.

"Toronto" safida esa Josh Sardjent xet-trikka erishdi. Derrik Etyenn qo‘shimcha vaqtda gol urib, mezbonlarni mag‘lubiyatdan qutqarib qoldi — 4:4.