«Liverpul» va «Chelsi»ning sobiq futbolchisi Daniel Starrij London klubini mavsumlar oralig‘ida qabul qilib olgan ispaniyalik mutaxassis Xabi Alonso faoliyati haqida fikr bildirdi.

Starrijning fikricha, «Chelsi»da maydondagi o‘zaro tushunishuv borasida hali ham ayrim muammolar bor.

«Xabi oldida muhim vazifa turibdi — jamoani o‘zi ko‘rishni xohlayotgan uslubda o‘ynashga moslashtirish.

Taraqqiyot haqida gapiradigan bo‘lsak, ular dastlabki ikki uchrashuvda g‘alaba qozondi va bugun ham o‘zini yaxshi tomondan ko‘rsatdi. Ammo men o‘zaro tushunishuvni nazarda tutyapman — maydonda hali ham ma’lum bir sarosima sezilib turibdi», — deya Starrijning so‘zlarini BBC Sport keltirdi.

Eslatib o‘tamiz, «Chelsi» APL doirasidagi so‘nggi uchrashuvda Londonning «Arsenal» klubiga 1:2 hisobida mag‘lub bo‘ldi.