«Barselona» bosh murabbiyi Xans-Diter Flik yarim himoyachilar Rodri Ernandes va Mark Bernal haqida fikr bildirdi.

Yakshanba kuni kataloniyaliklar La Liganing 4-turida safarda «Valensiya»ni 5:0 hisobida yirik tarzda mag‘lub etdi. Rodri «Barselona» safida ilk bor asosiy tarkibda maydonga tushdi va 62-daqiqaga qadar o‘ynadi. Shundan so‘ng uni Mark Bernal almashtirdi.

«Biz Rodridan juda mamnunmiz. Uning har bir harakatida muayyan ma’no bor. U maydonda ham, kiyinish xonasida ham jamoa uchun muhim futbolchi.

Bernal Rodridan juda ko‘p narsa o‘rganishi mumkin. Mark hozirning o‘zida vazifalarini juda yaxshi bajaryapti, ammo Rodrining harakatlarini kuzatib, undan o‘rnak olsa, yana ancha o‘sishi mumkin», — deya Flikning so‘zlarini Barca Universal keltirdi.

«Barselona» 4 turdan so‘ng 12 ochko jamg‘arib, La Liga turnir jadvalida peshqadamlik qilmoqda.