"Fulxem" yarim himoyachisi Sander Berge yozgi transfer oynasi yakunlanishidan oldin "Chelsi" qiziqish doirasida bo‘lgan.

BBC ma’lumotiga ko‘ra, Londonning "Chelsi" klubi Enso Fernandesning "Manchester Siti"ga o‘tishi ehtimoli fonida yarim himoya chizig‘ini kuchaytirishni rejalashtirgan va norvegiyalik futbolchini ehtimoliy nomzodlardan biri sifatida ko‘rib chiqqan.

Biroq "Chelsi" Berge uchun rasmiy taklif yubormagan. "Fulxem" ham 28 yoshli futbolchini sotishni rejalashtirmagan.

Berge "Fulxem" sharafini 2024/25 yilgi mavsumdan beri himoya qilib kelmoqda. U o‘tgan mavsum Premyer-ligada 35 ta o‘yinda maydonga tushib, 1 ta golli uzatma qayd etgan.