Jennaro Gattuzo boshqaruvidagi "Lasio" Italiya A Seriyasida mavsumni ketma-ket uchta g‘alaba bilan boshladi.
Rimliklar 3-turda safarda "Udineze"ni 2:1 hisobida mag‘lub etdi. "Inter"dan kelib qo‘shilgan Davide Frattezi 75-daqiqada gol urdi. Bu uning joriy mavsumdagi 3-o‘yinidagi 3-goli bo‘ldi.
88-daqiqada Albert Gyudmyundsson "Lasio"ga g‘alaba keltirgan gol muallifi bo‘ldi.
Avvalgi turlarda "burgutlar" "Bolonya" va "Jenoa"ni bir xil — 1:0 hisobida mag‘lub etgan edi. Har ikki uchrashuvda ham yagona golni Frattezi urgan.
"Lasio" 3 turdan so‘ng 9 ochko jamg‘arib, A Seriya turnir jadvalida 3-o‘rinni egallab turibdi. Xuddi shuncha ochkoga ega "Roma" va "Inter" to‘plar nisbati bo‘yicha yuqoriroq o‘rinda joylashgan.
12 sentyabr kuni "Lasio" o‘z maydonida 7 ochko bilan 5-o‘rinda borayotgan "Milan"ni qabul qiladi.
Shu bilan birga, Gattuzo boshqaruvidagi ilk rasmiy o‘yinda "Lasio" Italiya Kubogi 1-bosqichida B Seriya vakili "Mantova"ga 0:2 hisobida mag‘lub bo‘lgan edi.
