Fransiyaning Parij shahrida bo‘lib o‘tgan UFC Fight Night turniridan so‘ng o‘rta vazn toifasining yangilangan reytingi e’lon qilindi.

84 kilogrammgacha bo‘lgan vazn toifasida jang qiluvchi o‘zbekistonlik Nursulton Ro‘ziboyev (37-10-2) britaniyalik Maykl “Venom” Peyjga (26-3) ochkolar hisobiga ko‘ra imkoniyatni boy berib, top-15 reytingni tark etdi. Uning o‘rnini amerikalik Jared Kannone egalladi.

Ma’lumot o‘rnida, Bu o‘zbekistonlik jangchi uchun MMA faoliyatidagi 10-mag‘lubiyat bo‘ldi (uning hisobida 37 ta g‘alaba va 2 ta durang ham bor). Ro‘ziboyev promoushendagi yettinchi jangida imkoniyatni boy berdi. Endilikda uning UFC’dagi ko‘rsatkichi 5 ta g‘alaba va 2 ta mag‘lubiyatni tashkil etmoqda.

39 yoshli Peyj UFC’da 2024 yil 9 martdan beri faoliyat yuritib kelmoqda. U promoushenda 5 ta g‘alaba va 1 ta mag‘lubiyat qayd etgan. U so‘nggi jangini 2026 yil 21 mart kuni Sem Pattersonga qarshi o‘tkazgan va hakamlarning yakdil qaroriga ko‘ra g‘alaba qozongan edi. Uning MMA rekordi 26 ta g‘alaba va 3 ta mag‘lubiyatdan iborat.