«Slovan» bosh murabbiyi Yaya Ture «PSJ»ning o‘yiniga yuqori baho berdi. Chempionlar ligasi umumiy bosqichining 1-turida «Slovan» «Park-de-Prens» stadionida «PSJ»ga 1:6 hisobida mag‘lub bo‘ldi.
«PSJ»da meni nima hayratga soldi? Hamma narsa. Luis Enrike bu jamoani qanday shakllantirgani. Ular haqiqiy mashina. Himoyadan hujumgacha ularda hamma narsa bor. Ular doimo bo‘sh turgan futbolchini topa oladilar, jamoa sifatida juda yaxshi harakat qilishadi. Biz bu o‘yindan saboq chiqaramiz va yanada yaxshiroq bo‘lishga harakat qilamiz», — dedi Ture jurnalistlarga.
Chempionlar ligasining 2-turida «Slovan» o‘z maydonida Germaniyaning «Shtutgart» klubiga qarshi o‘ynaydi. Uchrashuv 14 oktyabr kuni bo‘lib o‘tadi.
