«Bavariya» hujumchisi Xarri Keyn Chempionlar ligasidagi gollari sonini 55 taga yetkazdi. Angliyalik forvard musobaqa umumiy bosqichi 1-turida «Budyo-Glimt»ga qarshi o‘yinda (5:0) gol urdi.

Keyn Chempionlar ligasida 71 ta uchrashuv o‘tkazib, 55 ta gol muallifi bo‘ldi.

33 yoshli futbolchi hozirda Chempionlar ligasining eng yaxshi to‘purarlari ro‘yxatida 10-o‘rinda bormoqda. Undan yuqorida «Manchester Yunayted»ning sobiq hujumchisi Rud van Nistelroy 56 ta gol bilan 9-o‘rinni, «Bavariya»ning sobiq forvardi Tomas Myuller esa 57 ta gol bilan 8-o‘rinni egallab turibdi.

7-o‘rinda esa hozirgi «Manchester Siti» hujumchisi Erling Xoland joylashgan. Norvegiyalik futbolchi Chempionlar ligasida 59 ta uchrashuvda 59 ta gol urgan.

Keynga Xolandni quvib yetish uchun 4 ta gol kerak.

Chempionlar ligasining navbatdagi turida «Bavariya» 13 oktyabr kuni «Viking» bilan o‘ynaydi.