Angliya chempionati 4-turidan o‘rin olgan «Manchester Yunayted» — «Manchester Siti» uchrashuvi Diogu Dalot uchun alohida ahamiyat kasb etdi. Portugaliyalik o‘ng qanot himoyachisi «MYU» safidagi 250-o‘yinini o‘tkazdi.
BBC ma’lumotiga ko‘ra, uchrashuv boshlanishidan oldin «Manchester Yunayted» bosh murabbiyi Maykl Karrik Dalotga yubiley munosabati bilan maxsus esdalik futbolkasini topshirdi.
Dalot bunga qadar «qizil iblislar» safida 249 ta uchrashuv o‘tkazib, 10 ta gol urgan va 20 ta golli uzatmani amalga oshirgan.
Portugaliyalik futbolchi 2018 yildan buyon «Manchester Yunayted» sharafini himoya qilib kelmoqda. U «Portu»dan 20 million yevro evaziga transfer qilingan edi.
