«Barselona» bosh murabbiyi Xans-Diter Flik klubning Lamin Yamalni 2026 yilgi «Oltin to‘p» uchun kurashda qo‘llab-quvvatlayotgani haqida fikr bildirdi.
«Nega bunday qilmasligimiz kerak? U bizning futbolchimiz va biz o‘z o‘yinchilarimizni qo‘llab-quvvatlaymiz. Bu har doim shunday bo‘lgan. Men o‘ziga ishongan futbolchilarni qo‘llayman. Hozir jamoamiz ham yaxshi o‘ynayapti. Ular bizning futbolchilarimiz, men esa har kuni mashg‘ulotlarda ularning jamoaga qanday hissa qo‘shayotganini ko‘raman. Shuning uchun ularni qo‘llab-quvvatlashda hech qanday muammo ko‘rmayman», — deya Flikning so‘zlarini keltiradi AS.
Avvalroq Flik Yamal «Oltin to‘p»ni qo‘lga kiritishga munosib ekanini ochiq aytgan va 19 yoshli ispaniyalik futbolchini «noyob va o‘ziga xos» o‘yinchi deb ta’riflagan edi.
Yamal 2026 yilgi «Oltin to‘p» uchun da’vogar 30 futbolchi ro‘yxatiga kiritilgan.
Mukofotni topshirish marosimi 26 oktyabr kuni Londonda bo‘lib o‘tadi.
