"Sanderlend" sardori Granit Jaka Yevropa ligasi umumiy bosqichining 1-turida "AZ"ga qarshi uchrashuv oldidan jamoaning maqsadlari haqida gapirdi.

"Biz bu lahzani alohida qilishni istaymiz, chunki bunga munosib bo‘ldik. Hozirgi ondan zavqlanishni bilish kerak, ammo shu bilan birga qanday yo‘lni bosib o‘tganimizni ham unutmasligimiz lozim.

Hozir qandaydir aql bovar qilmas ish qilishga urinish shart emas. O‘tgan mavsumda qanday jamoa bo‘lgan bo‘lsak, shundayligicha qolishimiz kerak. Bizda mahorat bor va qaysi jihatlarda o‘sish, qaysi jihatlarda esa o‘tgan mavsumdagidek harakat qilish zarurligini yaxshi bilamiz.

Yevropa ligasi "Sanderlend" uchun jiddiy sinov. Men avval "Bayer" bilan bu turnir finalida o‘ynaganman. Endi esa yana bir finalga, bu safar "Sanderlend" bilan yetib borishni orzu qilaman.

Yevropa sahnasida maydonga tushish va qit’aning eng kuchli jamoalari bilan raqobatlashishdan yaxshiroq narsa yo‘q", — deya Jakaning so‘zlarini keltiradi UYEFA rasmiy sayti.

"Sanderlend" — "AZ" uchrashuvi 16 sentyabr kuni bo‘lib o‘tadi. Bahs Toshkent vaqti bilan 17 sentyabrga o‘tar kechasi soat 00:00 da boshlanadi.