«Barselona» yarim himoyachisi Frenki de Yongga «Liverpul» qiziqish bildirmoqda.
El Nacional ma’lumotiga ko‘ra, Angliya klubi niderlandiyalik futbolchi uchun «Barselona»ga 40 million yevro taklif qilgan, ammo rad javobini olgan.
Shu bilan birga, kataloniyaliklar de Yongni sotish imkoniyatini ko‘rib chiqishga tayyor. Biroq «Barselona» kamida 70 million yevrolik taklif tushgan taqdirdagina muzokaraga kirishmoqchi.
29 yoshli de Yong jarohatidan tiklanishda davom etayotgani sababli joriy mavsumda hali birorta o‘yinda maydonga tushmadi.
Yarim himoyachining «Barselona» bilan amaldagi shartnomasi 2029 yil yoziga qadar mo‘ljallangan. Transfermarkt portali uning transfer qiymatini 35 million yevro deb baholamoqda.
