Niderlandiyalik hujumchi Doniell Malen "Roma"ni tark etib, Angliya Premyer-ligasining top-klublaridan biriga o‘tishi mumkin.
Insayder Ekrem Konurning xabar berishicha, 27 yoshli futbolchining o‘yinlarini "Manchester Siti", shuningdek, Londonning "Arsenal" va "Chelsi" klublari kuzatib bormoqda.
Manba ma’lumotiga ko‘ra, "Roma" Malen uchun 60-65 million yevro atrofida narx belgilagan. Transfer yanvar oyida amalga oshishi mumkin.
Niderlandiyalik hujumchi joriy mavsum Italiya chempionatida 4 ta uchrashuv o‘tkazib, 6 ta gol urdi.
Malenning "Roma" bilan amaldagi shartnomasi 2030 yil iyun oyi oxiriga qadar mo‘ljallangan.
