Qozog‘istonning yunon-rum kurashi bo‘yicha sobiq chempioni Adil Tilektes Chimkentdagi korxonalardan birida ish vaqtida elektr toki urishi oqibatida vafot etdi. Bu haqda Chimkent shahar polisiya departamenti xabar berdi.
Manbaga ko‘ra, Adil Tilektes ish vaqtida yuqori kuchlanishli kabelga tasodifan tegib ketgan va elektr toki urishi ortidan balandlikdan qulagan.
Adil Tilektes eshitishida nuqsoni bo‘lgan sportchilar o‘rtasidagi musobaqalarda yunon-rum kurashi bo‘yicha qatnashgan. U 2019-yilda 60 kilogrammgacha bo‘lgan vazn toifasida Qozog‘iston chempioni bo‘lgan. Sportchi professional faoliyatini yakunlagach, Chimkentdagi keramik plitka ishlab chiqaruvchi zavodda ishlagan.
Chimkent shahar polisiya departamentining ma’lum qilinishicha, shahar korxonalaridan birida ishching vafoti yuzasidan tergovga qadar olib borilmoqda.
“Dastlabki ma’lumotlarga ko‘ra, erkak ish vaqtida elektr toki urishi oqibatida hayot uchun xavfli tan jarohatini olgan. Hozirda voqeaning barcha holatlarini aniqlash maqsadida zarur tergov harakatlari olib borilmoqda”, deyiladi xabarda.
