«Union» sardori Kristofer Trimmel Germaniya chempionatining 4-turida «Bavariya»dan uchralgan 0:7 hisobidagi mag‘lubiyatga izoh berdi.

«Hozir bu o‘yinni uzoq tahlil qilishim mumkin edi, ammo «Bavariya» «Shtutgart» va «Bude-Glimt» kabi jamoalarga ham beshtadan gol urgan. Rostini aytsam, biz hozircha bunday darajadagi jamoa emasmiz. Muammolarimiz bor va hali ham o‘zimizni izlayapmiz.

O‘yin oldidan Bundesligada senga ko‘p vaqt berishmaydi, degandim. Myunxenda esa umuman imkoniyat qolmaydi. Hozir tub masalalarni ko‘tarish vaqti emas. Oldinda terma jamoalar o‘yinlari munosabati bilan uzoq tanaffus bor. Undan keyin «Elfersberg»ga qarshi juda muhim uy uchrashuvi kutmoqda. Shu bahsgacha bo‘lgan vaqtdan unumli foydalanamiz.

Albatta, Leverkuzen va Myunxenda mag‘lub bo‘lishing mumkinligini tushunasan. «Shalke»dan o‘z maydonimizda uchralgan mag‘lubiyat juda og‘riqli bo‘ldi, ammo bugungi o‘yinning qanday kechgani ham mutlaqo to‘g‘ri emasdi», — deya Trimmelning so‘zlarini Myunxen klubi rasmiy sayti keltirdi.