«Унион» сардори Кристофер Триммель Германия чемпионатининг 4-турида «Бавария»дан учралган 0:7 ҳисобидаги мағлубиятга изоҳ берди.

«Ҳозир бу ўйинни узоқ таҳлил қилишим мумкин эди, аммо «Бавария» «Штутгарт» ва «Буде-Глимт» каби жамоаларга ҳам бештадан гол урган. Ростини айтсам, биз ҳозирча бундай даражадаги жамоа эмасмиз. Муаммоларимиз бор ва ҳали ҳам ўзимизни излаяпмиз.

Ўйин олдидан Бундеслигада сенга кўп вақт беришмайди, дегандим. Мюнхенда эса умуман имконият қолмайди. Ҳозир туб масалаларни кўтариш вақти эмас. Олдинда терма жамоалар ўйинлари муносабати билан узоқ танаффус бор. Ундан кейин «Эльферсберг»га қарши жуда муҳим уй учрашуви кутмоқда. Шу баҳсгача бўлган вақтдан унумли фойдаланамиз.

Албатта, Леверкузен ва Мюнхенда мағлуб бўлишинг мумкинлигини тушунасан. «Шальке»дан ўз майдонимизда учралган мағлубият жуда оғриқли бўлди, аммо бугунги ўйиннинг қандай кечгани ҳам мутлақо тўғри эмасди», — дея Триммелнинг сўзларини Мюнхен клуби расмий сайти келтирди.