«Manchester Siti» sobiq hujumchisi Serxio Aguero Angliya Premyer-ligasi va Chempionlar ligasini o‘zaro solishtirdi.

«Premyer-liga nihoyatda talabchan musobaqa. U Chempionlar ligasiga qaraganda ancha ko‘proq jismoniy kuch talab qiladi. APLdagi barcha o‘yinlar jismoniy jihatdan juda og‘ir o‘tadi.

Chempionlar ligasida esa barcha jamoalar yaxshi futbol o‘ynashga, hujumni o‘z darvozasi oldidan boshlashga va to‘pni nazorat qilishga harakat qiladi. Shuning uchun u yerda biroz osonroq. Premyer-liga esa butunlay boshqa futbol. Hatto turnir jadvalining so‘nggi pog‘onasidagi jamoa ham seni mag‘lub etishi yoki juda katta muammo tug‘dirishi mumkin», — dedi Aguero Stake Football'ga bergan intervyusida.

Aguero Yevropada «Atletiko», «Manchester Siti» va «Barselona» safida to‘p surgan.

Argentinalik futbolchi Angliya Premyer-ligasida jami 275 ta o‘yin o‘tkazib, 185 ta gol urgan va 48 ta golli uzatmani amalga oshirgan.

Chempionlar ligasida esa u 79 ta uchrashuvda maydonga tushib, 41 ta gol va 8 ta assist qayd etgan.