«Barselona» vingeri Lamin Yamal La Liganing 7-turida «Sevilya»ga qarshi safar uchrashuvida tribunalardan yangragan hushtaklarga emosional munosabat bildirdi. Kataloniyaliklar bu bahsda 3:1 hisobida g‘alaba qozondi.
35-daqiqada hisob 1:1 bo‘lib turgan paytda 19 yoshli futbolchi raqib bilan to‘qnashuvdan keyin yiqildi va penalti belgilanishini talab qildi. Biroq uchrashuv bosh hakami Xuan Martines Munuera qoidabuzarlik qayd etmadi.
Shundan so‘ng «Sevilya» muxlislari Yamalga hushtak chala boshladi. Bir necha daqiqadan keyin u to‘pni darvoza tepasiga tepib yuborgach, tribunadagilar uning xatosini masxara bilan qarshi oldi.
Yamal esa muxlislar tomonga o‘girilib, imo-ishoralar bilan yanada balandroq shovqin qilishga chaqirdi.
Bu harakatdan keyin «Sevilya»ning uch nafar futbolchisi, jumladan, jamoa sardori Gabriel Suaso va Georgiy Kochorashvili Yamal oldiga kelib, uning xatti-harakatidan norozi ekanini bildirdi.
Yamal ushbu uchrashuvda ikkita golli uzatma amalga oshirdi. Ulardan biri Rafinyaning g‘alaba goliga berildi.
