O‘zbekiston Superligasining 22-turi doirasida bugun "Andijon" va "Nasaf" jamoalari o‘zaro bahs olib boradi.
Uchrashuv Andijon shahridagi "Bobur Arena" stadionida o‘tkaziladi va soat 17:15 da start oladi. Bahs "Sport TV" telekanali orqali jonli efirda namoyish etiladi.
Jamoalarning o‘zaro uchrashuvlari statistikasida "Nasaf" katta ustunlikka ega. Qarshiliklar 29 marta g‘alaba qozongan bo‘lsa, "Andijon" hisobida 7 ta g‘alaba bor. O‘zaro bahslarda qayd etilgan gollar nisbati ham "Nasaf" foydasiga — 101:52.
"Andijon"ning "Nasaf" ustidan eng yirik g‘alabasi 6:0 hisobida qayd etilgan. Qarshi klubi esa andijonliklarni eng katta farq bilan 8:1 hisobida mag‘lub etgan.
Ayni paytda jamoalar turnir jadvalida yonma-yon bormoqda. "Nasaf" 21 ta o‘yindan keyin 31 ochko bilan 7-o‘rinni egallab turgan bo‘lsa, "Andijon" 30 ochko bilan 8-pog‘onada joylashgan. Demak, bugungi uchrashuv turnir jadvali nuqtai nazaridan ham muhim ahamiyat kasb etadi.
Uchrashuv: "Andijon" — "Nasaf"
Sana: 20 sentyabr
Vaqt: 17:15
Stadion: "Bobur Arena"
Translyasiya: "Sport TV"
