O‘tgan yozda Madridning «Real» klubini tark etgan avstriyalik himoyachi David Alaba Germaniyaning «Union» klubiga qo‘shilishi mumkin. Bu haqda Diario AS xabar berdi.

Manba ma’lumotiga ko‘ra, Berlin klubi himoya chizig‘ini kuchaytirish maqsadida «Real» va «Bavariya»ning 34 yoshli sobiq futbolchisini o‘z safiga taklif qilish imkoniyatini ko‘rib chiqmoqda.

«Union» yangi mavsumni muvaffaqiyatsiz boshladi va shu sabab tarkibni erkin agentlar hisobiga kuchaytirishni rejalashtirmoqda. Klubda Alaba kabi katta tajribaga ega futbolchi himoyadagi muammolarni hal qilishga yordam beradi, deb hisoblashmoqda.

O‘tgan mavsumda Alaba barcha musobaqalar hisobida 16 ta uchrashuvda maydonga tushdi, ammo gol yoki golli uzatma bilan ajralib turmadi.