"Barselona" yarim himoyachisi Gavining fikricha, uning jamoadoshi Lamin Yamal ruhiy jihatdan to‘g‘ri holatda va kelajakda futbol tarixidagi eng yaxshi o‘yinchilardan biriga aylanish uchun barcha imkoniyatlarga ega.

"Bu ajoyib, hatto tasavvur qilganingizdan ham ko‘proq. U juda yaxshi o‘ynaydi, mashg‘ulotlarda esa sizni yanada ko‘proq hayratda qoldiradi", dedi ispaniyalik futbolchi Men's Health fitnes jurnaliga bergan intervyusida.

"Men faqat uning rivojlanishda davom etishini istayman. U o‘z salohiyatini yaxshi biladi va tarixdagi eng yaxshi futbolchilardan biri bo‘lishi mumkin. Eng muhimi, men uni ruhiy jihatdan barqaror holatda ko‘ryapman. U nima xohlayotganini yaxshi biladi va oldida hali juda uzoq faoliyat bor.

U har kuni shu tarzda ishlashda davom etishi kerak, chunki avval ham aytganimdek, eng muhimi — bugungi kun. U har kuni juda katta e’tibor va bosim ostida bo‘ladi", dedi Gavi.

19 yoshli Yamal joriy mavsumda gol urish borasidagi barqarorligi bilan o‘yinini yangi bosqichga olib chiqdi. U 8 ta uchrashuvda 8 ta gol urdi va 4 ta golli uzatmani amalga oshirdi.

Shuningdek, Yamal 2026 yilgi "Oltin to‘p"ni qo‘lga kiritish uchun asosiy da’vogarlardan biri hisoblanadi.