Madridning «Real» va Myunxenning «Bavariya» klublaridagi o‘yinlari bilan tanilgan avstriyalik himoyachi David Alaba Italiya chempionatiga ko‘chib o‘tishga yaqin.
Insayder Fabrisio Romano ijtimoiy tarmoqlarda xabar berishicha, 34 yoshli futbolchi «Udineze»ga o‘tish bo‘yicha og‘zaki kelishuvga erishgan.
Alaba ayni paytda erkin agent maqomida bo‘lgani uchun Italiya klubiga tekinga qo‘shiladi.
David o‘tgan mavsum Ispaniya La Ligasida 11 ta uchrashuvda maydonga tushib, bitta sariq kartochka olgan.
Italiya chempionatining dastlabki besh turidan keyin «Udineze» to‘rt ochko bilan turnir jadvalida 15-o‘rinni egallab turibdi.
