Мадриднинг «Реал» ва Мюнхеннинг «Бавария» клубларидаги ўйинлари билан танилган австриялик ҳимоячи Давид Алаба Италия чемпионатига кўчиб ўтишга яқин.
Инсайдер Фабрицио Романо ижтимоий тармоқларда хабар беришича, 34 ёшли футболчи «Удинезе»га ўтиш бўйича оғзаки келишувга эришган.
Алаба айни пайтда эркин агент мақомида бўлгани учун Италия клубига текинга қўшилади.
Давид ўтган мавсум Испания Ла Лигасида 11 та учрашувда майдонга тушиб, битта сариқ карточка олган.
Италия чемпионатининг дастлабки беш туридан кейин «Удинезе» тўрт очко билан турнир жадвалида 15-ўринни эгаллаб турибди.
