Argentina terma jamoasi bosh murabbiyi Lionel Skaloni Lionel Messini oktyabr oyida xayrlashuv uchrashuvini o‘tkazishga ko‘ndirganini ma’lum qildi.
39 yoshli hujumchining Argentina terma jamoasi safidagi so‘nggi o‘yini 6 oktyabr kuni Buenos-Ayresda bo‘lib o‘tadi. Unda argentinaliklar Beninga qarshi maydonga tushadi.
"Bunday futbolchi bunday xayrlashuvga munosib. Shaxsan men qo‘limdan kelgan barcha ishni qildim. Biz uning nimalarni boshdan kechirganini yaxshi bilamiz. Shunga qaramay, u mahalliy muxlislar bilan xayrlashishni istadi.
Menimcha, aynan hozir unga munosib hurmat ko‘rsatishimiz kerak. Uning merosi abadiy qoladi. Men u bilan suhbatlashib, bu o‘yinni yaqin vaqt ichida o‘tkazish kerakligiga ishontirishga harakat qildim. Chunki keyin nima bo‘lishini hech qachon bilmaysiz", — dedi Skaloni.
Lionel Messi Argentina terma jamoasi safida 207 ta o‘yin o‘tkazib, 125 ta gol urgan.
