"Napoli" yarim himoyachisi Andre-Frank Zambo-Angissa kelajakda klubini o‘zgartirishi mumkin. Bu haqda insayder Ekrem Konur ma’lum qildi.
30 yoshli kamerunlik futbolchiga "Milan" qiziqish bildirmoqda. Tomonlar allaqachon dastlabki muzokaralarni boshlagan.
"Rossoneri" Zambo-Angissani tekinga o‘z safiga qo‘shib olishi mumkin, chunki uning "Napoli" bilan amaldagi shartnomasi 2027 yil iyun oyi oxirida yakunlanadi.
Joriy mavsumda Zambo-Angissa Italiya chempionatida 4 ta o‘yinda maydonga tushdi, ammo gol yoki golli uzatma bilan ajralib turmadi.
Transfermarkt ma’lumotiga ko‘ra, yarim himoyachining bozor qiymati 15 million yevroni tashkil qiladi.
