«Barselona» darvozaboni Mark-Andre ter Shtegen, hozirda «Ayaks» safida ijara asosida to‘p tepayotgan bo‘lsa-da, katta ehtimol bilan Kataloniya klubini butunlay tark etadi. Bu haqda Diario SPORT xabar berdi.

Manbaga ko‘ra, «Barselona» rahbariyati ter Shtegenni «Ayaks»dagi ijara muddati yakunlanganidan keyin sotish imkoniyatiga ishonch bilan qaramoqda.

Klubda nemis darvozaboni Niderlandiyada o‘z saviyasini yana bir bor namoyish qildi va bu unga qiziqish bildirishi mumkin bo‘lgan klublarni jalb qilishga yordam beradi, deb hisoblashmoqda.

34 yoshli ter Shtegen «Ayaks» safida barcha musobaqalarda 8 ta o‘yin o‘tkazdi. U bu uchrashuvlarda 13 ta gol o‘tkazib yubordi va 2 marta darvozasi daxlsizligini saqlab qoldi.

Nemis futbolchisining «Barselona» bilan amaldagi shartnomasi 2028 yil iyuniga qadar mo‘ljallangan.