«Барселона» дарвозабони Марк-Андре тер Штеген, ҳозирда «Аякс» сафида ижара асосида тўп тепаётган бўлса-да, катта эҳтимол билан Каталония клубини бутунлай тарк этади. Бу ҳақда Diario SPORT хабар берди.

Манбага кўра, «Барселона» раҳбарияти тер Штегенни «Аякс»даги ижара муддати якунланганидан кейин сотиш имкониятига ишонч билан қарамоқда.

Клубда немис дарвозабони Нидерландияда ўз савиясини яна бир бор намойиш қилди ва бу унга қизиқиш билдириши мумкин бўлган клубларни жалб қилишга ёрдам беради, деб ҳисоблашмоқда.

34 ёшли тер Штеген «Аякс» сафида барча мусобақаларда 8 та ўйин ўтказди. У бу учрашувларда 13 та гол ўтказиб юборди ва 2 марта дарвозаси дахлсизлигини сақлаб қолди.

Немис футболчисининг «Барселона» билан амалдаги шартномаси 2028 йил июнига қадар мўлжалланган.