«Tottenxem»ning niderlandiyalik himoyachisi Mikki van de Ven Angliya Premyer-ligasining ikki top-klubi e’tiborida. Bu haqda insayder Ekrem Konur CaughtOffside nashriga tayanib xabar berdi.
Futbolchini «Manchester Yunayted» va «Liverpul» o‘z safiga qo‘shib olishga qiziqmoqda.
Biroq van de Venning «Tottenxem» bilan uzoq muddatli shartnomasi borligi sabab ehtimoliy transferni amalga oshirish oson bo‘lmaydi va katta mablag‘ talab qilishi mumkin.
25 yoshli himoyachining londonliklar bilan amaldagi shartnomasi 2031 yil iyun oyi oxiriga qadar mo‘ljallangan. Uning bozor qiymati 50 million yevroga baholanmoqda.
Van de Ven joriy APL mavsumida 4 ta o‘yinda maydonga tushdi va 1 ta sariq kartochka oldi.
