«Kristal Pelas» qanot himoyachisi Tayrik Mitchell faoliyatini Italiyada davom ettirishi mumkin. Bu haqda jurnalist Ekrem Konur xabar berdi.

Manbaga ko‘ra, 27 yoshli futbolchiga Turinning «Yuventus» klubi qiziqish bildirmoqda. Transfer yanvar oyida amalga oshishi mumkin.

Qayd etilishicha, ehtimoliy kelishuv qiymati 23,3 million yevroni tashkil qilishi mumkin.

Shu bilan birga, Mitchellga Angliya Premyer-ligasining bir nechta klublari ham qiziqish bildirmoqda.

Joriy mavsumda himoyachi barcha musobaqalarda 6 ta o‘yinda maydonga tushib, 2 ta gol urdi.

Uning «Kristal Pelas» bilan amaldagi shartnomasi kelasi yozda yakunlanadi.