«Кристал Пэлас» қанот ҳимоячиси Тайрик Митчелл фаолиятини Италияда давом эттириши мумкин. Бу ҳақда журналист Экрем Конур хабар берди.
Манбага кўра, 27 ёшли футболчига Туриннинг «Ювентус» клуби қизиқиш билдирмоқда. Трансфер январь ойида амалга ошиши мумкин.
Қайд этилишича, эҳтимолий келишув қиймати 23,3 миллион еврони ташкил қилиши мумкин.
Шу билан бирга, Митчеллга Англия Премьер-лигасининг бир нечта клублари ҳам қизиқиш билдирмоқда.
Жорий мавсумда ҳимоячи барча мусобақаларда 6 та ўйинда майдонга тушиб, 2 та гол урди.
Унинг «Кристал Пэлас» билан амалдаги шартномаси келаси ёзда якунланади.
