Italiya terma jamoasi va «Inter» markaziy himoyachisi Alessandro Bastoni Angliya Premyer-ligasining bir qator top-klublari qiziqish doirasiga tushgan. Bu haqda TeamTalk xabar berdi.

Manbaga ko‘ra, 27 yoshli italiyalik futbolchini «Chelsi», «Manchester Siti» va «Liverpul» o‘z safiga qo‘shib olishga qiziqmoqda.

Transfermarkt ma’lumotiga ko‘ra, Bastonining bozor qiymati 65 million yevroni tashkil qiladi. Uning «Inter» bilan amaldagi shartnomasi 2028 yil iyun oyi oxiriga qadar mo‘ljallangan.

Joriy A Seriya mavsumida Bastoni 5 ta o‘yinda maydonga tushdi va 1 ta sariq kartochka oldi.