Италия терма жамоаси ва «Интер» марказий ҳимоячиси Алессандро Бастони Англия Премьер-лигасининг бир қатор топ-клублари қизиқиш доирасига тушган. Бу ҳақда TeamTalk хабар берди.
Манбага кўра, 27 ёшли италиялик футболчини «Челси», «Манчестер Сити» ва «Ливерпуль» ўз сафига қўшиб олишга қизиқмоқда.
Transfermarkt маълумотига кўра, Бастонининг бозор қиймати 65 миллион еврони ташкил қилади. Унинг «Интер» билан амалдаги шартномаси 2028 йил июнь ойи охирига қадар мўлжалланган.
Жорий А Серия мавсумида Бастони 5 та ўйинда майдонга тушди ва 1 та сариқ карточка олди.
