«Real» bosh murabbiyi Joze Mourinyu jamoa tarkibini kuchaytirishni istamoqda.
The Touchline ma’lumotiga ko‘ra, portugaliyalik mutaxassis klub rahbariyatidan yangi kreativ yarim himoyachi xarid qilishni talab qilgan.
Qayd etilishicha, «Real» prezidenti Florentino Peres Mourinyuning so‘rovi bo‘yicha yangi futbolchi sotib olishga tayyor. Biroq u transferni amalga oshirishdan oldin nomzodga shaxsan ishonch hosil qilmoqchi.
Shuningdek, Peres shoshilishni istamayapti va yirik transferni kelasi yozda amalga oshirish tarafdori. Mourinyu esa yangi futbolchi jamoaga qishki transfer oynasidayoq kerakligini ta’kidlamoqda.
La Ligada 7 ta o‘yindan so‘ng «Real» 15 ochko jamg‘arib, turnir jadvalida to‘rtinchi o‘rinni egallab turibdi.
