«Реал» бош мураббийи Жозе Моуринью жамоа таркибини кучайтиришни истамоқда.

The Touchline маълумотига кўра, португалиялик мутахассис клуб раҳбариятидан янги креатив ярим ҳимоячи харид қилишни талаб қилган.

Қайд этилишича, «Реал» президенти Флорентино Перес Моуриньюнинг сўрови бўйича янги футболчи сотиб олишга тайёр. Бироқ у трансферни амалга оширишдан олдин номзодга шахсан ишонч ҳосил қилмоқчи.

Шунингдек, Перес шошилишни истамаяпти ва йирик трансферни келаси ёзда амалга ошириш тарафдори. Моуринью эса янги футболчи жамоага қишки трансфер ойнасидаёқ кераклигини таъкидламоқда.

Ла Лигада 7 та ўйиндан сўнг «Реал» 15 очко жамғариб, турнир жадвалида тўртинчи ўринни эгаллаб турибди.