«Liverpul»ning sobiq hujumchisi Sten Kollimor «Manchester Siti» moliyaviy qoidalarni buzgani uchun qo‘lga kiritgan sovrinlaridan mahrum qilinishi kerak, deb hisoblaydi.
Avvalroq «Manchester Siti» Angliya Premyer-ligasi moliyaviy qoidalarini buzish bilan bog‘liq 115 ta ayblovning 114 tasi bo‘yicha aybdor deb topilgani xabar qilingan edi.
«Bu mening fikrim.
Agar «Siti»ning apellyasiyasi rad etilsa, klubning barcha sovrinlari tarixiy natijalardan chiqarib tashlanishi kerak. Jamoa Premyer-liga va Angliya futbol ligasidan chetlatilishi, shuningdek, juda katta miqdorda jarimaga tortilishi lozim.
Klub egalari esa APL klubiga egalik qilish talablariga javob beradigan shaxslar maqomidan mahrum qilinishi kerak.
Ehtimol, bu Angliya futboli tarixidagi eng katta voqea bo‘lishi mumkin», — dedi Kollimor.
