«Ливерпуль»нинг собиқ ҳужумчиси Стэн Коллимор «Манчестер Сити» молиявий қоидаларни бузгани учун қўлга киритган совринларидан маҳрум қилиниши керак, деб ҳисоблайди.

Аввалроқ «Манчестер Сити» Англия Премьер-лигаси молиявий қоидаларини бузиш билан боғлиқ 115 та айбловнинг 114 таси бўйича айбдор деб топилгани хабар қилинган эди.

«Бу менинг фикрим.

Агар «Сити»нинг апелляцияси рад этилса, клубнинг барча совринлари тарихий натижалардан чиқариб ташланиши керак. Жамоа Премьер-лига ва Англия футбол лигасидан четлатилиши, шунингдек, жуда катта миқдорда жаримага тортилиши лозим.

Клуб эгалари эса АПЛ клубига эгалик қилиш талабларига жавоб берадиган шахслар мақомидан маҳрум қилиниши керак.

Эҳтимол, бу Англия футболи тарихидаги энг катта воқеа бўлиши мумкин», — деди Коллимор.