«Barselona» qanot himoyachisi Alexandro Balde qishki transfer oynasida jamoani tark etishi mumkin. Bu haqda Diario SPORT xabar berdi.
Manbaga ko‘ra, agar Baldening o‘yin vaqti bilan bog‘liq vaziyati o‘zgarmasa, u yanvar oyida boshqa klubga o‘tishi mumkin.
«Barselona» himoyachini ijaraga berish variantiga ham ochiq. Klub Balde boshqa jamoada muntazam o‘yin amaliyotiga ega bo‘lib, yaxshi formaga kirishini istamoqda. Futbolchining kelajagi bo‘yicha yakuniy qaror esa kelasi yozda qabul qilinishi mumkin.
22 yoshli Balde joriy mavsumda Ispaniya chempionatida atigi 1 ta o‘yinda maydonga tushdi va golli harakat qayd etmadi.
Ispaniyalik futbolchining «Barselona» bilan amaldagi shartnomasi 2028 yil o‘rtalariga qadar mo‘ljallangan.
