«Arsenal» va «Tottenxem» «Bayer»ning hujumkor yarim himoyachisi Ibraxim Mazaga bo‘lgan qiziqishini kuchaytirdi. Bu haqda TEAMtalk xabar berdi.

Manbaga ko‘ra, klublarni Mazaning universalligi va texnik mahorati o‘ziga jalb qilmoqda. U hujumkor yarim himoyachi sifatida turli pozisiyalarda samarali harakat qila oladi.

Ayniqsa, Maza himoya chiziqlari orasidagi bo‘sh hududlarni yaxshi topadi. U yerda to‘pni qabul qilib, tez burilib, raqib himoyachilariga qarshi hujumni davom ettirishda kuchli hisoblanadi.

Joriy mavsumda Maza barcha musobaqalar doirasida 5 ta o‘yin o‘tkazib, 1 ta gol urdi va 1 ta golli uzatma amalga oshirdi.

Futbolchining «Bayer» bilan shartnomasi 2030 yil yoziga qadar tuzilgan. Transfermarkt portali uning bozor qiymatini 45 million yevroga baholamoqda.