Superligada sentyabr oyining eng yaxshi futbolchisi bo‘lishga nomzodlar ma’lum bo‘ldi.

Ro‘yxatdan "Surxon" futbolchisi Tornike Zebniauri, "Nasaf" a’zolari Sharof Muhitdinov va Adenis Shala, "So‘g‘diyona"dan Filip Ivanovich, "Navbahor" vakili Shohruh Abdurahmonov hamda OKMK futbolchisi Giorgi Papava joy oldi.

Sentyabr oyida Sharof Muhitdinov 2 ta o‘yinda 2 ta gol va 4 ta assist qayd etib, eng yuqori samaradorlikni ko‘rsatdi. Shohruh Abdurahmonov esa 3 ta uchrashuvda 3 ta gol urdi.

Tornike Zebniauri, Filip Ivanovich va Giorgi Papava 3 tadan o‘yinda 2 tadan gol kiritgan. Adenis Shala esa 2 ta bahsda 2 marta raqib darvozasini ishg‘ol qildi.

Sentyabr oyining eng yaxshi futbolchisiga nomzodlar:

Tornike Zebniauri ("Surxon") — 3 o‘yin, 2 gol.
Sharof Muhitdinov ("Nasaf") — 2 o‘yin, 2 gol, 4 assist.
Filip Ivanovich ("So‘g‘diyona") — 3 o‘yin, 2 gol.
Shohruh Abdurahmonov ("Navbahor") — 3 o‘yin, 3 gol.
Adenis Shala ("Nasaf") — 2 o‘yin, 2 gol.
Giorgi Papava (OKMK) — 3 o‘yin, 2 gol.