Sobiq angliyalik futbolchi Kris Uoddl "Manchester Yunayted" bosh murabbiyi Maykl Karrik haqida fikr bildirdi.

"Siz atigi bir nechta o‘yin o‘tkazdingiz. Har bir uchrashuvda g‘alaba qozonib bo‘lmaydi. Bu hayratlanarli. Maykl Karrik kabi murabbiylarga allaqachon achina boshladim. Turli gaplarni o‘qiysiz: "Agar u g‘alaba qozonmasa, kelasi hafta ishdan bo‘shatiladi". Men buni umuman tushunmayman.

Sarlavha yozish oson. Bu katta klub, ammo o‘tgan yili hamma uni maqtagan edi. Unga vaqt bering", — dedi Uoddl Betpack nashriga bergan intervyusida.

O‘tgan mavsumda "qizil iblislar" Karrik qo‘l ostida Premyer-ligada uchinchi o‘rinni egallab, bir necha yillik tanaffusdan so‘ng ilk bor UEFA Chempionlar ligasi yo‘llanmasini qo‘lga kiritgan edi.

Joriy mavsum esa Karrik shogirdlari uchun hozircha omadsiz kechmoqda. "Manchester Yunayted" 5 ta uchrashuvdan so‘ng 5 ochko bilan turnir jadvalida 12-o‘rinda bormoqda.