Собиқ англиялик футболчи Крис Уоддл "Манчестер Юнайтед" бош мураббийи Майкл Каррик ҳақида фикр билдирди.

"Сиз атиги бир нечта ўйин ўтказдингиз. Ҳар бир учрашувда ғалаба қозониб бўлмайди. Бу ҳайратланарли. Майкл Каррик каби мураббийларга аллақачон ачина бошладим. Турли гапларни ўқийсиз: "Агар у ғалаба қозонмаса, келаси ҳафта ишдан бўшатилади". Мен буни умуман тушунмайман.

Сарлавҳа ёзиш осон. Бу катта клуб, аммо ўтган йили ҳамма уни мақтаган эди. Унга вақт беринг", — деди Уоддл Betpack нашрига берган интервьюсида.

Ўтган мавсумда "қизил иблислар" Каррик қўл остида Премьер-лигада учинчи ўринни эгаллаб, бир неча йиллик танаффусдан сўнг илк бор УЕФА Чемпионлар лигаси йўлланмасини қўлга киритган эди.

Жорий мавсум эса Каррик шогирдлари учун ҳозирча омадсиз кечмоқда. "Манчестер Юнайтед" 5 та учрашувдан сўнг 5 очко билан турнир жадвалида 12-ўринда бормоқда.