"Roma" yangi stadion qurilishi uchun rasmiy ruxsat oldi.
Arena Rimning Pyetralata tumanida joylashadi va 60 605 nafar tomoshabinni sig‘dira oladi.
"Loyihani tezkor ravishda amalga oshirish uchun barcha sharoit yaratilgan. Qurilish ishlarini 2027 yil boshida boshlash, uch yil ichida esa yakunlash rejalashtirilgan. Qurilish jarayonining o‘zi ikki yarim yil davom etishi hisobga olinsa, stadion 2029 yildayoq tayyor bo‘lishi mumkin", — dedi Rim meri Roberto Gualtyeri.
"Endi yangi bosqich boshlanadi. Uning maqsadi — "Roma" va shaharga ularning tarixi hamda ambisiyalariga munosib bo‘lgan zamonaviy va ekologik barqaror stadion taqdim etish.
Ushbu loyiha faqat klub va uning muxlislari uchun yangi uy sifatida emas, balki butun Rim uchun muhim resurs sifatida ishlab chiqilgan. U yangi imkoniyatlar yaratishi, atrof hududni yangilash va rivojlantirishga hissa qo‘shishi, shuningdek, shahar va uning aholisi uchun uzoq muddatli foyda keltirishi kerak", — deyiladi "Roma" bayonotida.
Hozirda "Roma" va "Lasio" o‘z uy uchrashuvlarini Rimdagi Olimpiya stadionida o‘tkazmoqda.
