Ispaniya terma jamoasi va "Barselona" futbolchisi Lamin Yamal "Oltin to‘p" haqidagi navbatdagi savolga javob berdi.
19 yoshli vinger 26 oktyabr kuni topshiriladigan nufuzli sovrin uchun asosiy da’vogarlardan biri hisoblanadi.
Seshanba kuni u Millatlar ligasida Xorvatiyaga qarshi 4:1 hisobidagi g‘alabali uchrashuvda dubl qayd etib, yana bir golli uzatma ham amalga oshirdi. Shundan so‘ng jurnalistlar undan yana "Oltin to‘p" haqida so‘rashdi.
"Men faqat "Oltin to‘p" uchun o‘ynamayman. Men o‘zim uchun, muxlislar uchun va jamoamizning g‘alabalari uchun o‘ynayman.
"Oltin to‘p"ni yutishim mumkinligini his qilyapmanmi? Bilmayman, men ovoz bermayman", — deya Yamalning so‘zlarini The Touchline keltiradi.
O‘tgan yili yosh ispaniyalik "Oltin to‘p" ovoz berish yakunlariga ko‘ra ikkinchi o‘rinni egallagan va faqat Usmon Dembelega imkoniyatni boy bergan edi.
