"Valensiya" kelasi mavsumdan yangi stadionda o‘ynashini tasdiqladi.
Yangi arena "Nou Mestalya" deb nomlanadi. Stadion simmetrik shaklda loyihalashtirilgan bo‘lib, vertikal joylashgan konsentrik yaruslar umumiy kosasimon ko‘rinishni hosil qiladi.
Arenaning sig‘imi 70 044 nafar tomoshabinni tashkil etadi.
"Valensiya" hozirgi "Mestalya" stadionida 1923 yildan beri o‘ynab kelmoqda. Ayni paytda u La Ligadagi eng qadimiy stadion hisoblanadi.
Kutilishicha, "Mestalya" keyinchalik buziladi. Uning o‘rnida yangi turar joy majmuasi, yashil hudud va tijorat ob’ektlari barpo etiladi.
