"Валенсия" келаси мавсумдан янги стадионда ўйнашини тасдиқлади.
Янги арена "Ноу Месталья" деб номланади. Стадион симметрик шаклда лойиҳалаштирилган бўлиб, вертикал жойлашган концентрик яруслар умумий косасимон кўринишни ҳосил қилади.
Аренанинг сиғими 70 044 нафар томошабинни ташкил этади.
"Валенсия" ҳозирги "Месталья" стадионида 1923 йилдан бери ўйнаб келмоқда. Айни пайтда у Ла Лигадаги энг қадимий стадион ҳисобланади.
Кутилишича, "Месталья" кейинчалик бузилади. Унинг ўрнида янги турар жой мажмуаси, яшил ҳудуд ва тижорат объектлари барпо этилади.
