Madridning "Real" klubi darvozaboni Tibo Kurtua jamoa o‘yinlaridagi hakamlik borasida o‘z fikrini bildirdi.
"Qaymoqranglilar" hakamlar ishidan tez-tez norozi bo‘lib keladi. "Atletiko"ga qarshi so‘nggi derbida ham navbatdagi mojaroli holat yuz berdi: hakam Din Xyoysenni maydondan chetlatdi, ammo "Qirollik klubi" vakillarining fikricha, "Atletiko"ning bir nechta futbolchisiga nisbatan jazo qo‘llamadi. Uchrashuv "Real"ning 1:2 hisobidagi mag‘lubiyati bilan yakunlandi.
"Bizga qarshi hakamlar fitnasi bor deb o‘ylamayman. Ammo hakamlar ishida men tushunmaydigan ayrim holatlar bor", — deya belgiyalik darvozabonning so‘zlarini Madrid Zone keltirdi.
10 oktyabr kuni Joze Mourinyu shogirdlari o‘z maydonida "Vilyarreal"ga qarshi bahs olib boradi.
