«Liverpul»ning sobiq futbolchisi Jeymi Rednapp «Manchester Siti» bilan bog‘liq yangiliklarga munosabat bildirdi. «Shaharliklar» ko‘plab moliyaviy qoidabuzarliklar uchun jiddiy jazolanishi mumkin.
«Bu APL uchun og‘ir zarba, bu yerda g‘oliblar bo‘lmaydi. «Manchester Siti» va liganing o‘zi imijiga jiddiy zarar yetdi. Bu muxlislarga ham ta’sir qiladi. Bularning oqibatlari juda jiddiy bo‘ladi. Apellyasiya qanday yakunlanishi qiziq», — deya ekspertning so‘zlarini Sky Sports keltirmoqda.
Angliya Premyer-ligasida beshta turdan so‘ng «Manchester Siti» 15 ochko jamg‘arib, turnir jadvalida peshqadamlik qilmoqda. «Shaharliklar» Londonning «Arsenal» klubidan uch ochko oldinda.
«Manchester Siti» chempionatdagi navbatdagi uchrashuvini 11 oktyabr kuni safarda «Liverpul»ga qarshi o‘tkazadi.
