«Ливерпуль»нинг собиқ футболчиси Жейми Реднапп «Манчестер Сити» билан боғлиқ янгиликларга муносабат билдирди. «Шаҳарликлар» кўплаб молиявий қоидабузарликлар учун жиддий жазоланиши мумкин.

«Бу АПЛ учун оғир зарба, бу ерда ғолиблар бўлмайди. «Манчестер Сити» ва лиганинг ўзи имижига жиддий зарар етди. Бу мухлисларга ҳам таъсир қилади. Буларнинг оқибатлари жуда жиддий бўлади. Апелляция қандай якунланиши қизиқ», — дея экспертнинг сўзларини Sky Sports келтирмоқда.

Англия Премьер-лигасида бешта турдан сўнг «Манчестер Сити» 15 очко жамғариб, турнир жадвалида пешқадамлик қилмоқда. «Шаҳарликлар» Лондоннинг «Арсенал» клубидан уч очко олдинда.

«Манчестер Сити» чемпионатдаги навбатдаги учрашувини 11 октябрь куни сафарда «Ливерпуль»га қарши ўтказади.